ఫిబ్రవరి 18న రిలీజ్ అవుతున్న లగడపాటి విక్రమ్ సహిదేవ్ డెబ్యూ మూవీ “వర్జిన్ స్టోరి”
నిర్మాత లగడపాటి శిరీష శ్రీధర్ తనయుడు విక్రమ్ సహిదేవ్ హీరోగా నటిస్తున్న సినిమా “వర్జిన్ స్టోరి”. కొత్తగా రెక్కలొచ్చెనా అనేది ఉపశీర్షిక. గతంలో “రుద్రమదేవి”, “రేసు గుర్రం”, “నా పేరు సూర్య నా ఇల్లు ఇండియా” వంటి సూపర్ హిట్ చిత్రాల్లో నటించి పేరు తెచ్చుకున్నారు విక్రమ్. ఇటీవల “రౌడీ బాయ్స్” చిత్రంలో కీలక పాత్రలో నటించి మెప్పించారు. ఈ యంగ్ టాలెంట్ “వర్జిన్ స్టోరి” చిత్రంతో హీరోగా ప్రేక్షకుల ముందుకొస్తున్నారు. కొత్తగా రెక్కలొచ్చెనా..అనేది ఈ సినిమా క్యాప్షన్. రామలక్ష్మి సినీ క్రియేషన్స్ పతాకంపై లగడపాటి శిరీష శ్రీధర్ ఈ చిత్రాన్ని నిర్మించారు. ప్రదీప్ బి అట్లూరి “వర్జిన్ స్టోరి” చిత్రంతో టాలీవుడ్ లో దర్శకుడిగా అడుగుపెడుతున్నారు.
ఇప్పటిదాకా “వర్జిన్ స్టోరి” సినిమా నుంచి విడుదల చేసిన ప్రతి కంటెంట్ ఇంట్రెస్టింగ్ గా ఉండి ఆకట్టుకుంది. సినిమా టీజర్ లో ప్రామిసింగ్ గా కనిపించారు విక్రమ్, అతని యాక్టింగ్ లో ఈజ్ కనిపించింది. ఫ్రెష్ కంటెంట్ తో వర్జిన్ స్టోరి తెరకెక్కినట్లు బ్యూటిఫుల్ విజువల్స్, క్యారెక్టరైజేషన్స్ తో తెలుస్తోంది. విడుదలైన పాటలు ‘మనసా నిన్నలా’, ‘కొత్తగా రెక్కలొచ్చెనా’, ‘బేబీ ఐయామ్ ఇన్ లవ్’ ఛాట్ బస్టర్స్ అయ్యాయి. ఇవన్నీ సినిమాపై పాజిటివ్ బజ్ ను, ఆసక్తిని రేకెత్తిస్తున్నాయి.
తాజాగా ఈ రొమాంటిక్ మూవీకి పర్ఫెక్ట్ డేట్ ఫిక్స్ చేశారు మేకర్స్. ఈ నెల 18న “వర్జిన్ స్టోరి” చిత్రాన్ని థియేటర్ లలో ప్రేక్షకుల ముందుకు తీసుకొస్తున్నారు. యూత్ ఫుల్ ఎంటర్ టైనర్ గా సినిమా మెప్పిస్తుందని, రొమాంటిక్ హీరోగా విక్రమ్ కు మంచి పేరొస్తుందని దర్శకుడు ప్రదీప్ బి అట్లూరి చెబుతున్నారు.
విక్రమ్ సహిదేవ్, సౌమిక పాండియన్, రిషిక ఖన్నా, వినీత్ బవిశెట్టి తదితరులు ఇతర పాత్రల్లో నటిస్తున్న ఈ చిత్రానికి
సంగీతం – అచు రాజమణి,
సినిమాటోగ్రఫీ – అనీష్ తరుణ్ కుమార్,
ఎడిటర్ – గ్యారీ,
సాహిత్యం – భాస్కర భట్ల, అనంత్ శ్రీరామ్,
ఎగ్జిక్యూటివ్ ప్రొడ్యూసర్ – రాఘవేంద్ర,
నిర్మాతలు – లగడపాటి శిరీష శ్రీధర్,
రచన, దర్శకత్వం – ప్రదీప్ బి అట్లూరి.
